Tu âs cirût la peraule
monolengâl
torne indaûr

monolengâl

cjapâ sù loc.v.
Cjapâ alc che al è par tiere o poiât di cualchi bande che si pues calcolâ plui in bas dal subiet o ancje cjapâ in sens gjeneric o intensitîf
sinonims
cjoli sù
esemplis
"il nono al cjapave sù cu lis moletis une bore di fûc, al impiave il so «virgjinie» e al pipave di gust"
gjavât fûr di "Il «trono» dal von" di Pieri Menis
"al cjapà sù il cjapiel de cjadree e al si invià fûr"
gjavât fûr di "Prime di sere" di Carlo Sgorlon
cjapâ sù loc.v.
Fâ montâ o permeti a cdn. di montâ parsore di une bestie o tun mieç di traspuart par puartâ ator
sinonims
cjoli sù
esemplis
"nus à fats smontâ, nô e chê sdrume di altris fruts che o vevin cjapât sù pe strade"
gjavât fûr di "Fra Silvio" di Pieri Somede dai Marcs
cjapâ sù loc.v.
[TS] (zûcs) Intai zûcs di cjartis, cjapâ une o plui cjartis di chês che a son tal mac
sinonims
pescjâ
cjapâ sù loc.v.
Fâ in mût di vê alc, soredut domandant ator
sinonims
cjoli sù
esemplis
"a pene che il gnûf crucifìs al jere pront e si saveve la spese, lis feminis si son metudis a cjapâ sù lis ufiertis, cjase par cjase"
gjavât fûr di "Il Signôr sul mûr de braide" di Pieri Menis
"la leç eletorâl e deve la pussibilitât ai partîts che a fossin stâts za in Consei regjonâl di presentâsi aes elezions sucessivis cence scugnî cjapâ sù lis firmis"
gjavât fûr di "Memoriis di politiche linguistiche" di Adrian Cescje
cjapâ sù loc.v.
Imparâ une nozion, une tecniche, tacâ a vê une abilitât e v.i.
esemplis
"o dîs che, cu la lenghe che o vin cjapade sù ancjemò cuant che o jerin fruts, podê fevelâ cun Diu, al è un difindi la proprie dignitât"
gjavât fûr di "Crist re cence prepotence" di Francesc Placerean
cjapâ sù loc.v.
Acetâ alc che al è proponût di altris o che si ven in cualchi maniere in contat, tant che une idee, une dotrine, une religjon, un mût di fâ e v.i.
sinonims
cjoli sù
esemplis
"il vizi di bevi lu ai cjapât sù di soldât, in caserme e fra i pics da lis montagnis"
gjavât fûr di "Une scarpute" di Pieri Somede dai Marcs
"i zovins a cjapin sù a colp lis novitâts, dome parcè che a son novitâts"
gjavât fûr di "La aghe da pît la cleve" di Dino Virgili
cjapâ sù loc.v.
Cjapâ une responsabilitât, une incjarie e v.i.
sinonims
cjoli sù
esemplis
"[la Regjon] e à di cjapâ sù la part di coordenament de tutele scolastiche che i assegne il decret ministeriâl dal 2002"
gjavât fûr di "Memoriis di politiche linguistiche" di Adrian Cescje
cjapâ sù loc.v.
Dâ un lavôr, cjapâ a vore
esemplis
"doman cjapait sù il dopli di operaris, cjolêt a nauli altris cjars e cjavai par tirâ dongje il materiâl, e lait indenant: dentri dal mês o vin di meti sù il cuviert"
gjavât fûr di "Lis nestris rosis" di Pieri Somede dai Marcs
cjapâ sù loc.v.
Di une femine o di une mascje di animâl, restâ incinte, tacâ a spietâ un frut o un piçul o parturîlu
sinonims
comprâ
esemplis
"no è stade buine nancje di cjapâ sù un frut par so cont..."
gjavât fûr di "Vilie di Nadâl" di Pieri Somede dai Marcs
cjapâ sù loc.v.
Di une comari, judâ une femine a parturî, judâ un frut a nassi
esemplis
"une volte in ducj i paîs a jerin feminis che, cence vê studiât, a savevin cjapâ sù fruts come e forsit miôr di chês che e vevin il diplome"
gjavât fûr di "Il forest" di Pieri Menis
cjapâ sù loc.v.
Fâ alc che al à efiet su se stes, sintî su di se i efiets di alc
esemplis
"si fermave in paîs uns doi o trê dîs, passant di une ostarie a chê altre, cjapant sù di chês pipinis che Diu nus vuardi"
gjavât fûr di "Credit" di Meni Ucel
detulis
"a tindi masse archetis, a cjapin sù i uciei chei altris"
"ancje il Signôr al è dismontât di mus par cjapâ sù un fasûl"
"ce che si semene si cjape sù"
"cui che nol semene nol cjape sù"
"se tu sês cristian, cjapilu sù cu la man"
"si sta mancul a butâ vie che no a cjapâ sù"
torne sù